ЧОРАБИНИИ ТАНТАНАВӢ БА МУНОСИБАТИ РӮЗИ ИТТИФОҚҲОИ КАСАБА

 Дирўз бахшида ба Рўзи иттифоқҳои касаба дар толори Китобхонаи вилоятии оммавии ба номи Т.Асирӣ бо иштироки собиқадорон, фаъолон, меҳмонон ва кормандони соҳаи фарҳанг, иттилоот, варзиш ва сайёҳии вилоят чорабинӣ баргузор гардид.

Дар чорабинӣ сардори Раёсати фарҳанги вилоят Бахтиёр Қосимов, муовини Раиси Шўрои иттифоқҳои касабаи вилоят Оқилов Толибҷон Дадоҷонович иштирок намуданд.

Нахуст раиси кумита Фотимахон Қодирова иштирокдоронро бо Рӯзи иттифоқҳои касаба табрик намуда, дар суханронии худ аз таърихи пуршарафи Иттифоқҳои касаба сухан кард.

Сипас Толибҷон Оқилов табрикоти раиси Шӯрои иттифоқҳои касабаи вилоятро ба самъи ҳозирин расонид.

Дар фарҷом як қатор фаъолони соҳа бо Ифтихорнома ва тўҳфаҳои хотиравии Шӯрои иттифоқҳои касабаи вилоят ва кумитаи соҳавӣ қадрдонӣ гардиданд.

Дар охири чорабинӣ суруду оҳангҳои дилнавоз табъи аҳли нишастро шод гардонид.