Боздиди Раиси Федератсияи иттифоқҳои касабаи Қазоқистон аз корхонаҳои саноатии вилояти Суғд

 Дар доираи кори Шӯрои иттифоқҳои касабаи Осиёи Марказӣ роҳбарони федератсияҳои иттифоқҳои касабаи кишварҳои аъзо бо фаъолияти ташкилотҳои ибтидоии иттифоқҳои касабаи коргоҳҳои саноатии вилояти Суғд аз наздик ошно шуданд.

Аз ҷумла Раиси Федератсияи  иттифоқҳои касабаи Қазоқистон Сатиболди Даулеталин ва Сардори департаменти Ташкилоти байналмилалии меҳнат Сергиус Главатскас бо ҳамроҳии Раиси Федератсияи иттифоқҳои касабаи мустақили Тоҷикистон Маликшо Неъматзода ва раиси Шӯрои иттифоқҳои касабаи вилояти Суғд Шарифулло Абдуллозода ба корхонаи “Қолинҳои қайроқум” ва Корхонаи муштараки “Ҷавонӣ” ташриф оварда, бо фаъолияти корхонаҳо, аз ҷумла ҳифзи меҳнат ва  шароитҳои фароҳамовардаи кордеҳон ба кормандон шинос шуданд.