Баргузории семинари дастурдиҳӣ 

Субҳи имрўз дар доираи нақшаи кори Шӯрои иттифоқҳои касабаи вилояти Суғд семинари омӯзишӣ баргузор гардид.

Дар семинар раисони иттифоқи касаба ва муҳосибони ташкилоту муассисаҳои соҳаҳои савдо ва давлатӣ иштирок намуданд.

Дар семинар роҳбари дастгоҳи раиси Шўрои иттифоқҳои касабаи вилояти Суғд Аббосова М., раиси Кумитаи вилоятии иттифоқи касабаи кормандони соҳаи савдо, кооператсияи матлубот ва корхонаҳои хусусӣ Бузуруков И.А., раиси Кумитаи вилоятии иттифоқи касабаи кормандони муассисаҳои давлатӣ, ҷамъиятӣ ва бонкӣ Ҷамолов Х.Ғ. ва сармутахассиси шӯъбаи ҳифзи ҳуқуқи Шӯро Бобоева М. иштирок ва баромад намуданд.

Баромадкунандагон дар мавзўҳои Дастурамали коргузорӣ дар иттифоқҳои касаба, Мафҳум ва мақсади бастани шартномаи меҳнатӣ ва коллективӣ, Тартиб ва андозаи хароҷоти маблағҳои суғуртаи давлатии иҷтимоӣ барои табобати санаторию курортӣ, ташкили истироҳати кормандон ва аъзои оилаи онҳо ибрози ақида намуданд.  

Дар рафти семинар - омӯзиш байни иштирокчиён оид ба масъалаҳои зикргардида муҳокимарониҳо ҷараён гирифт.